Chalte hai pathik, ladte hai pathik

Jivan ke bhishan yudh me jhujhte hai pathik,
Saahas ka jivant parichay hote hai pathik,
Kabhi kathinaiyo ka vadh karte hai ye,
To kabhi paristhitiyo se maat khaate hai mere pathik,

Chalte hai pathik, ladte hai pathik…

Yaatra ki madhurta ki mahataa samajhte hai pathik,
Saathiyo ka ek swarnim aavaran bante hai pathik,
Apne sukh dukh se pare sahaj hote hai ye,
Daya aur nidaan ka bimb hote hai mere pathik,

Chalte hai pathik, ladte hai pathik…

Abhimaan ka swarth ka tiraskar karte hai pathik,
Prem ka udhdhaar ka bhav rakhte hai pathik,
Man me vishawas ki jyoti rakhte hai ye,
Is jyoti se lok ko mangalmay karte hai mere pathik,

Chalte hai pathik, ladte hai pathik!

---------------Anonymous Creation---------------

Mann ka Ehsaash
Ush din tum ehsaash karogi
jab mujhko tum yaad karogi

Jeevan ki raaho mein kitne saath milte hai
par jab kisi choraahe par akali hogi
thak kar gir padogi, dard mein mujhe awaz doogi
ush din tum ehsaash karogi

Mere saath beete kuch guzre din
saath chali thee mere har pal gin gin
jab saath chale kadmo ko yaad karogi
ush din tum ehsaash karogi

khuli aakhon se sapno ke pankh dharogi
aakhen bundh karogi toh mujhse milogi
aakhen khologi toh mujhe kho doogi
ush din tum ehsaash karogi

Mujhe yaad kar jab achanak ro doogi
aasuon ke kuch samundar jab kho doogi
mujhse milne ko jab tadap uthogi
ush din tum ehsaash karogi

Ajnabee 'mann' ki baaten nahi samjhogi
rote rote hus doogi aur huste huste ro doogi
apne mann ka chain kho doogi
ush din tum ehsaash karogi

Mein amrit bun barsoonga
phir bhi tum pyaas tarsogi
'mann' ke mann mein basein prem par jab vishwash karogi
ush din tum ehsaash karogi...

"Mann ka ehsaash..."
04:04:02

Mann ke Darpan mein...

Mann ke darpan mein, main mujhko dikh raha udass-
aisa kya hua, kahai hoon main bujha bujha
thaka sa, ruka sa aur kuch kuch jhuka sa
kya hogayee baat aisi khas
jo mann ke darpan mein, main mujhko dikh raha udass

kyun lagne laga main akashmaat maano aisa-
jaise akalepan ne nichod diyea ho,
saath chalte chalte jeevan ne rukh moud liyea ho
har thama hua haath jaise maine he chod diyea ho

Yeh kaisi dhundh hai jo mere aur chhane lagi
yeh kis ki parchai hai jo aakhon mein aane lagi
yeh kaisa sunaata hai jo goonj raha hai
woh kon hai aur kyun mujhe yaad aa raha hai

Darpan ne kaha-
Yeh dhundh hai ahum ki, ahangkaar ki,jo chaaro aur hai chhayee
parchai hai kuch apno ki, jo yaad bun aab aakhon se chhalak aayee
sunnata hai maun ka jo kiyea hai tumne dharan
yaad jo aa rahe hai woh yaar hai, pyaar hai tumhare
roothe ho hut mein tum jinse bekaaran

Ab jab mann ne thaan he hai liyea
akalepan ko jeevan maan he hai liyea
toh kya darna ush dardnaak tanhai semukaddar jishe ab apna jaan he hai liyea...

"Har raaz dil ke hai kholta, kehte hai darpan jhooth nahi bolta"
01:02:03

MERA AASMA

Booth chuka suraj,
daer kuch baad yeh loh bhi
bujh jaayage,
phir mere saamne
woh laambi, roz waali raat aayage
taakunga daer kuch, 'challae' se chand ko
phir woh bhi chup jaayaga
aankh micholi khelne ko
ushko bhi mera he aasmaa paayeaga...

RADHA BAAVRI

shyam milan ko baavri,
chali, shyam milan ko saavri

rishte naate toad kari
chali raadha paane ko shyaam hari

bachpan ki gudiyea, sakhiyea bhali
chod chali raadha, shyaam ki galli

mahal, raaj jaha paali badhi
raadah, shyaam milan sab chaad chali

baag,oojad, sooni gali
raadha, shyaam milan sab laangh chali

chil chilawae thee garmi gahri
dekhi na oonae bhari dophari

prem aag mein jo mann jalli
toh kaya, tann ki sudh kaha rahi...

KISKA INTZAAR

Rooti nadi ko phir kon haasata hai
ruthae pattharo ko kon mannata hai
koi nahi ha?

Jhookae paedo ko phir kon lehraata hai
murjhayea phoolo ko kon khilkhilaata hai
koi nahi na?

Soote pahado ko phir kon jaagata hai
oojad khandaro ko kon basata hai
koi nahi, hai na?

Roz shyam boojahe suraj ko phir kon jaalata hai
har raat taaro ko kon jugmugata hai
shyad koi nahi, hai na?

Baarish ko konsi baarish bhigaati hai
chand ko konsi maa loori sunnati hai
koi nahi na?

Bhatke raashte ko phir kon raah pe laata hai
jo aag ko pyaas lagay toh kon boojhata hai
koi nahi.

insub mein jeene ki iccha he mukhya baat hai
phir kudrat toh kewal maadhyam maatr hai

jo hai humae hum par vishwash
phir kyun karae kisi aur ki aash
jo tumhae khudse pyaar hai
toh tumhae kishka intzaar hai

"jo bejaan kankad pathar hushne ki iccha rakhte
toh phir tum toh jeevanmay ho "

24:08:04
01:50 a.m

Oo FAKEER...

Oo Fakeer, kaisi hoge teri
takdeer ki lakeer...

Kabhi bhara paet
kabhi kakha khalli,
dekhi deewali roshan kabhi
kabhi lookhi kangaali

Bhasm laga rakh ki
roz niz kheli holi,
kabhi chale akale
mil gayea kabhi sang tooli

Kabhi chakha raaj bhoj
moothi bhar kabhi, maati he phaki
kabhi mil gaya brahm gyaan
laga kabhi, shrishti bhar jaanne ko baaki

Kabhi rahae sadiyeo tak maun
leen ek mudra mein, aakhe janmo na kholi
kabhi chale jo rukae nahi
thakae na muh laga 'bum bum' ki booli

Him chadh, sudha chakh bhi jo rahi aatma pyaasi
poora jug bhatkaya ushne
huae jagah jagah ke vaasi
Ganga ki ek boond se
mitti pahuch kar Kashi

Koi kahae chaliyea hai dhoongi
baaki, saadhu sant peer
Oo fakeer, kon jaane ho bhi ki na
teri, takdeer ki lakeer...

02:42 a.m
17/02/08